لما تيجى تشترى منزل جديد لازم الاول تسال عن تاريخه لا اانتا لو مكنش تعرف تاريخ البيت اللى هتشتريه وبعد ما تنفق كل فلوسك عليه ممكن تتفاجا بعد كدا بان المنزل ده مسكون بالاشباح او الارواح المعذبة اللى بترغب بشكل دائم فى الانتقام والحصول على حقها من اى حد يقتحم الخلوة بتاعتها ويمكن اللى حصل مع عائلة سورينى هو اكبر دليل على كلامى وعلى عدم تاقلم البشر مع الارواح او الاشباح او حتى الجن
قصة العيلة
القصة حصلت عام 1800 فى بلدة صغيرة بتدعى سورينى نسبة الى اكبر عائلة سكنتها والبلدة دى موجودة فى جورجيا وكانت عائلة سورينى بتمتلك مزرعة بتقع فى اطراف البلدة والعيلة كانت مشهورة بحبهم لجيرانهم ولسكان البلدة بشكل عام ومعدتش كام سنة والامور اتبدلت بشكل مفاجئ وبدون انذار لان العائلة وجدت نفسها تحت هجوم بعض الكائنات الخفية والاشباح اللى ظهرت من العدم اللى حوت حياة العائلة الى جحيم .الامور بدات بهجمات بسيطة منها فتح وقفل الابواب فجاءة وبدون انذار او سقوط بعض اللوح والصور من على الجدران وكانت حاجات مخيفة بالنسبة للعائلة .ولكن الامور زادت عن حدها مع الوقت وكل افراد العائلة لاحظو ده لانهم كانو بيشوفو اثاث البيت وهو بيتحرك من مكانة وكانت الخزن بتتفتح بدون سبب وكانو بيشوفو ملابسهم وهى بتخرج من الدولاب من غير اى مبرر واضح وبداءت كتييير من العيون الحمرا فى الظهور فى منتصف الليل .والموضوع بقى غريب جدا وفشلت كل طرق العائلة فى صرف الارواح دى عن المنزل ولكن الهجمات استمرت وتحديدا تجاه الاطفال فكانت طفلة من العائلة بيتم جرها وسحبها على سلم البيت الداخلى فى منتصف الليل وهى نايمة وكان افراد العائلة بيعانو من انقلاب صحون الاطعمة وتدمير بعض المقتنيات الثمينة منها ساعة حائط اثرية وبداءت العائلة تتضايق من اللى بيحصل والحياة فى البيت ده اصبحت لا تطاق وبعدها قررت العائلة انهم يسيبو المنزل ولكن الاشباح استمرت فى مهاجمتهم لدرجة انهم وهما بيخرجو من البيت كانت الاشباح بتصطاد الاطفال وبتضربهم بقطعة حديدية ضربات متكررة وكان اخو الطفل اللى حصل معاه ده كان واقف وشايف كل الى كان بيحصل ولكنة مش قادر يساعده لعند ما العصاية وقفت عن الضرب ورجعت لمكانها بعد ما الطفل بداء ينزف
نظريات مفسرة للاحداث
اكيد كل اللى حصل كان كفيل بان العيلة تسيب البيت لان الوضع بقى خطييير ومن هنا ظهرت بعض النظريات اللى بتفسر اللى كان بيحصل فى المنزل وكانت اول نظرية بتقول ان السيد سورينى مؤسس العائلة كان قد باع نفسة وروحة للشيطان علشان يكون ثروة للعائلة وفى راى تانى بيقول ان الهجمات دى كانت طلبات من الاشباح للعائلة علشان يساعدوهم ولكن العائلة مفهمتش الاشاراد دى وقابلت طلب الاشباح بالرفض فحاولت الاشباح انها تنتقم منهم
تعددت النظريات اللى حاولت تفسر الاحداث دى ولكن مفيش دليل يثبت صحة النظريات دى ومحدش قدر انه يوصل لاسباب الهجمات دى
والمنزل تحول لمزار سياحى بعد كل الاحداث دى وزاره كتيييير من الباحثين عن الماورائيات ورجال الدين والروحانيين اللى كانو بيبحثو عن خيط يوصلهم لسبب الهجمات دى ولكن حصل حريق مفاجئ فى المنزل عام 1925 والمنزل احترق بالكامل ومحدش يعرف ايه سبب الحريق لعند دلوقتى
النهاية
لسماع الفيديو على اليوتيوب
Post a Comment