قصة النهاردة بعنوان الغرفة الملعونة
مش كل الاماكن المرعبة مظلمة ونائية لان الامر بيكون غريب لما يتحول مكان عادى لمكان مرعب بشكل مفاجئ.الحياة فى الاماكن دى بتكون هادية وفجأة بتتحول لحياة جنونية مش ممكن ان الانسان يتخيلها وواحد من الاماكن اللى كان بيتمتع بالهدوء وفجأة بيتحول لاكتر الاماكن المرعبة فى العالم.والمكان ده هو الغرفة 428 فى سكن ويلسون اية بقى قصة المكان ده
في البداية
سكن ويلسون الجامعى هو سكن للطلاب تابع لجامعة اوهايو اقدم جامعة فى الولايات المتحدة الامريكية واللى اتسمي على اسم البروفيسور هايرام ويلسون احتفالا بانضمامه لاسرة الجامعة فى الوقت ده.السكن ده اتبنى بعد ما الجامعة اتبنت بكام سنة ولكن اللى حصل فيه فى فترة السبعينيات كان غريب.لان فى يوم من الايام احد الطلاب الموجودين فى سكن ويلسون لقوه ميت فى الاوضة بتاعته وادارة الجامعة فى الوقت ده افتكرت ان الطالب انتحر بس اللى حصل بعد كدا اجبر ادارة الجامعة على اصدار قرار بانهم يقفلو الاوضة رقم 428 لانها غير صالحة للاستخدام بس الابواب بتاعة الاوضة كانت بتقفل وتفتح من نفسها وكان بيخرج من الاوضة اصوات صراخ مش معروف مصدرها ايه وكان معظم الاصوات دى بتخرج بالليل مع انها فاضية ومحدش ساكن فيها وكتييير من الطلاب اللى ساكنين جنب الاوضة دى قالو انهم شافو اشباح واطياف مظلمة بتتمشى فى الاوضة بالليل ده بالاضافة ل انهم بيشوفو وش اشبة بوش الشيطان بيظهر على باب الاوضة وحتى مع تغيير الباب لسه الوش ده بيظهر وبيرعب كل اللى بيشوفه فى الوقت ده تجنبت الادارة تسكين الغرفة للطلاب لكن بعد فترة الاحداث دى اختفت ومعدش فى حد بيشتكى من اللى كان بيحصل فى الاوضة دى فقررت ادارة الجامعة انها تسكن الاوضة دى وبالفعل فى طالبة سكنت فى الاوضة دى وكانت الطالبة دى مهتمة جدا بعالم الماورائيات ولكن بدل ما تتواصل مع الاشباح الطالبة دى اتقتلت فى ظروف غامضة وكتير من الطلاب قالو انهم بيشوفو شبحها بيتمشى بالليل فى الطرقة بتاعة السكن الجامعى فقررت ادارة الجامعة انها تقفل الاوضة دى للابد
تاريخ سكن ويلسون
عن طريق البحث والاطلاع اكد عدد من الباحثين ان سكن ويلسون كان عبارة عن مستشفى خاص بعلاج المصابين بالامراض العقلية وكان بيحيط بالمستشفى دى مقبرة وان سكن ويلسون مبنى فوق المقبرة دى والمقبرة دى كان بيندفن فيها جثث المرضى اللى كانو بيموتو اثناء العلاج جوة المستشفى.ومش دى بس المعلومة الوحيدة لان فى ناس تانيين قالو ان مبنى ويلسون بيقع فى منتصف خمسة مقابر بتشبة فى توصيلها على الخريطة النجمة الخماسية اللى بتستخدم فى اعمال وطقوس السحر وناس تانيين قالو ان مبنى ويلسون كان عبارة عن مصحة اتبنت سنة 1804 وكان المرضى فيها بيعيشو حياة هادية ومريحة لغاية ما اتبدلت معاملة الدكتور المسؤول عن المصحة دى لانه كان بيحط المرضى فى حوض مليان تلج شديد البرودة او بيصعقهم بالكهرباء او بيقوم باجراء عمليات لفصل الفص الجبهى من المخ من غير ما يخدر المريض لنه بيقوم بقطع الاعصاب اللى بتوصل الفص الجبهى بالمخ وكل ده علشان يحس بالهدوء ويتخلص من دوشة المرضى لانه بيشيل الاعصاب المسؤولة عن التفكير والاحساس والحركة وبغض النظر عن التاريخ الاسود لارض المبنى ف ولاية اوهايو بتعد من اعلى الاماكن من حيث النشاط الميتافيزيقى والماورائيات ولحد الان الباحثيين بيحاولو يتعرفو على لغز سكن ويلسون وايه السبب فى الاحداث الغريبة اللى حصلت للطلبة فى السكن ده وايه هو سر الاوضة دى تحديدا
Post a Comment